Әтнә дәүләт театры тамашачыларга хезмәт күрсәтүен туктатты

ТР Мәдәният министрының 17.03.2020 елда имзалаган 220нче номерлы боерыгы нигезендә, 2020 елның 15 апреленә кадәр оешмаларда тамашачыларга хезмәт күрсәтү туктатыла.

Шул сәбәпле, Г.Тукай исемендәге Әтнә татар дәүләт драма театрының 28 мартта театр сәхнәсендә һәм 30 мартта Казанда, Кариев театры сәхнәсендә, шулай ук Кукмара районы авылларында булырга тиешле спектакльләре әлегә билгесез вакытка күчерелә.

 - Аңлавыгыз өчен рәхмәт! Барыгызга да саулык-сәламәтлек, иминлек телибез!  - дип хәбәр итә алар тамашачыларына.
 

С.Мингатина фотосы