Әтнә театры артистлары онытырга ирек бирмәсләр

Габдулла Тукай исемендәге Әтнә татар дәүләт драма театры артистлары "Туган ягым" паркында милли уеннар күрсәттеләр.

Көн салкын булуга да карамастан, @uen.fest кысаларында уздырылган әлеге чара бик күңелле узды. Ә иң актив катнашучылары балалар булды.

Әйе, татар халкының күңелле милли уеннары бик күп шул. Инде кайберләре дә онытылып та бара. Чөнки хәзерге балалар әлеге уеннарны уйный да белми кебек. Тик театр артистлары күрсәткән уеннарны балалар гына түгел, өлкәннәр дә сокланып карады.