Террорчылык янауларының потенциаль объектлары өстендә пилотсыз һава суднолары табылганда гамәлләр буенча киңәшләр

Объектлар өстендә БВС куллану аларның куркынычсызлыгына потенциаль куркыныч тудыра һәм вакытында төгәл гамәлләр таләп итә.
Пилотсыз һава судноларын ачыклаганда гамәлләр алгоритмы:

1. Территориядә (якында) билгесез БВС объекты табылганда (табылу турында мәгълүмат алынганда) бу хакта объектның (иминлек хезмәте, сак предприятиесе) турыдан-туры җитәкчесенә кичекмәстән хәбәр итәргә.

2. Объект (территория) хезмәткәрләре эшчәнлегенә турыдан-туры җитәкчелек итүче вазыйфаи зат яисә ул вәкаләт биргән зат бу хакта кичекмәстән Россия Эчке эшләр министрлыгына хәбәр итә.

Мәгълүматны элемтә чаралары ярдәмендә җибәргәндә мәгълүмат тапшыручы зат түбәндәгеләрне хәбәр итә:

- үзенең фамилиясен, исемен, атасының исемен (булган очракта) һәм биләгән вазыйфасын;

- объектның (территориянең) атамасын һәм аның төгәл адресын;

- БВС турында мәгълүмат чыганагы һәм керү вакыты (визуаль ачыклау, башка затларның мәгълүматы, сак яисә видеокүзәтү системасы мәгълүматлары);

- БВСның үз - үзен тотышы характеры (объект өстендә эленеп тору, күзәтүе, очыш юнәлеше, тышкы кыяфәте һ.б.);

- электрон мәгълүмат саклагычларында (видеокүзәтү системасында) БВС турында сакланган мәгълүмат булу; - вәкаләтле орган соравы буенча башка белешмәләр.

3. Территория өстендә һәм объект янында һава киңлеген күзәтү посты куярга.

4. Өстәмә мәгълүмат алу, шул исәптән аны фотога-видеога төшерү (тиешле мөмкинлек булганда) өчен чаралар күрергә.

5. Мөмкин булганча, ачык мәйданчыкларда кешеләрнең күпләп җыелуын булдырмаска.

6. Саклауны, шулай ук уздырып җибәрү һәм объект эчендәге режимнарны көчәйтергә.

7. Шикле (шартлау куркынычы булган) предметларны һәм затларны ачыклау максатларында объект территориясен әйләнеп узуны оештырырга.

8. Объект (территория) хезмәткәрләре эшчәнлегенә турыдан-туры җитәкчелек итүче вазыйфаи зат, я ул вәкаләт биргән зат карары буенча, кешеләрнең гомеренә һәм сәламәтлегенә куркыныч янаганда, мөмкин булган куркыныч турында персоналга хәбәр итүне оештырырга, объектта (территориядә) булган кешеләрне яшерүне яисә эвакуацияләүне оештырырга.

Пилотсыз һава судносы булырга мөмкин шикле предметны табу:

Пилотсыз һава судносы булып һава судносы тора, ул очышта мондый һава судносы бортыннан тыш булган пилот тарафыннан идарә ителә, контрольдә тотыла.

Оешма, предприятие территориясендә яисә аның тирәсендә пилотсыз һава суднолары булуы ачыкланган очракта, объект җитәкчесенә һәм хокук саклау органнарына кичекмәстән хәбәр итәргә кирәк. Объект җитәкчесе яисә сак иминлеге хезмәте гражданнарның гомеренә, сәламәтлегенә һәм мөлкәтенә куркыныч янау ихтималы турында Карар кабул иткән очракта, гражданнарны эвакуацияләү буенча чаралар күрергә кирәк.