Аш-су блогеры Илүзә Хөснетдиновадан «Кырмыскалык» торты рецепты

Камыр өчен 200 грамм маргарин, 50 грамм атланмай, 1 стакан шикәр комы, 2 йомырка, 1 бал кашыгы сода, 5 стакан он (чама белән) кирәк.

Оннан кала барлык ингредиентларны бергә кушып болгатырга. Аннары азлап он кушып, камыр басарга.

Табаны майларга, камыр җәймәсен салырга һәм «кош теле кисә торган» яки гади пычак белән шакмаклар кисеп чыгарга.

Духовканы 180 градуска кадәр кыздырырга һәм 10-15 минут пешерергә.

Крем өчен  130 грамм әстерхан чикләвеге (ваклап бетермәгез, чикләвек күбрәк булган саен тәмлерәк була),  100 грамм атланмай, чама белән куертылган сөт (сгущенка) кирәк булачак.

Камырга кремны салып болгатырга һәм тәлинкәгә өяргә. Әзер тортны төнгә суыткычта калдырырга.

Чыганак