Әтнә таңы

Чәй эчәргә тәмле пирог рецепты

Безгә кирәк булачак.

Камыры:
1) 4 йомырка сарысы,
2) 1 ст песок,
3) 150 гр сыер мае,
4) 1 п ванилин,
5) 1 п разрыхлитель,
6) 2,5 ст он.

Эчлеге:
1) 180-200 гр творог,
2) 3 а.к. песок,
3) 1-2 йомырка,
4) җиләк,
5) ванилин.

Өсте:

1) 4 йомырка агы,
2) 0,5 ст песок.

Эш барышы:
Йомырка сарысына песок, ванилин салып болгатырга. Холодильниктан гына алып сыер маен эре угычтан уарга һәм йомыркага салып болгатырга. Онга разрыхлитель кушып, болгатылган массага салып камыр ясарга.
Табага пергамент кәгазе җәеп майларга. Камырны кул белән генә салып таратып, кырыйларын күтәреп куярга. Творогка йомырка, песок, ванилин салып болгатып табадагы камыр өстенә салырга һәм 20 минут духовкада пешерергә. Духовкадан алгач, виктория җиләге, әз генә калган кура җиләге бар иде аларны камыр өстенә салып чыктым. Һәм песок белән күпертелгән йомырка агын җиләкләр өстенә сыларга. Һәм яңадан табаны 10 минутка духовкага пешерергә куярга. Пирог әзер булгач, суынгач , кисеп, тәмләп чәйләр дә эчәргә була.

Реклама

Автор Гульгена Сабитова

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: