"Идел" журналы быелгы Тукай премиясе лауреатлары турында хәбәр итә

(Казан, 25 апрель, "Татар-информ", "Идел"). Безгә килеп ирешкән хәбәрләргә караганда, Тукай премиясенә быел язучы Камил Кәримов, «Таттелеком» Гаммәви акционерлык җәмгыяте иҗат төркеме: Лотфулла Шәфыйгуллин һәм Рөстәм Зәкуанов, рәссам Михаил Кузнецов ия булачак, дип яза журнал.

Билгеле булганча, премия ияләре Татарстан Президенты Рөстәм Миңнеханов кул куйган Указ нигезендә раслана. "Чыганакларыбыз хаклы булырмы? Карарбыз. Премия ияләрен атау һәм бүләкләү тантанасы иртәгә иртән опера һәм балет театрында узачак", - диелә хәбәрдә.