Галләмова Гүзәл Ибраһим кызы Лаеш районы Имәнкискә авылында 1970нче елның 9 июлендә колхозчылар гаиләсендә дөньяга килә. Урта мәктәпне тәмамлаганнан соң Лаеш авыл хуҗалыгы техникумында бухгалтер белгечлеген ала. Туган авылында 22 ел дәвамында сәнгать җитәкчесе вазыйфасын башкара. Газета укучыларга "Татарстан яшьләре" газетасында даими басыла килгән мәкаләләре аша, республикабыздагы һәм читтәге татар мәдәният хезмәткәрләре өчен методик кулланма сыйфатында бастырылган "Сәхнәле балачак", "Яшьнәтик әле яшьлекне!", "Канатлар куя сәхнә!" сценарийлар җыентыклары аша таныш. Күпләр яратып укыган популяр "Ялгыз көймә", "Түз, йөрәк!", "Ызандашлар" китаплары авторы буларак та билгеле язучы.
