Әтнә таңы

Әтнә районы

Яңалык

5000 сумга гаризаны дөрес итеп тутырыгыз һәм акчаны тизрәк алыгыз

Пенсия фондының Татарстан Республикасы буенча бүлеге 3 яшькә кадәрге балалы, “Ана капиталы”на хокукы булган гаиләләргә 5 мең сум күләмендә өстәмә акчалата түләү башкара.

Исегезгә төшерәбез, эпидемиологик хәл кискен булу сәбәпле, “Ана капиталы”на ия яки хокукы булган Россия гаиләләренә өстәмә финанс ярдәме күрсәтелә - агымдагы елның апреленнән июнь аена кадәр өч яшькә кадәрге һәр балага ай саен 5 мең сум күләмендә түләнә. Ул Татарстандагы 80 меңнән артык гаиләгә түләнәчәк.

Шунысын да билгеләп үтәргә кирәк, гаризаларны карау вакыты күп факторларга, шул исәптән аны тутыруның корректлылыгына бәйле. Төрле сәбәпләр аркасында кабул ителгән барлык гаризалар да автомат рәвештә эшкәртелми, шуңа күрә «кулдан» өстәмә тикшерү таләп ителә.

Иң киң таралган хата - банк счетының дөрес күрсәтелмәгән реквизитлары, яки әтинең счеты күрсәтелгән (сертификат хуҗасы әни булган очракта).

Шулай ук еш кына балаларның, әниләрнең, ЗАГС органнарыннан алган акт язуларының һ. Б. анкета мәгълүматлары дөрес күрсәтелмәгән очраклар да була.

Гаризаларның зур өлеше әтиләр исеменнән җибәрелгән, бу сертификат хуҗасы нәкъ менә әти булган очракта гына рөхсәт ителә. Күпчелек очракта ир-атлардан гаризалар РПФ сайтында яки дәүләт хезмәтләренең бердәм порталында әнинең шәхси кабинетында теркәлүе булмау сәбәпле килә.

Әлеге түләү өчен гаризаны агымдагы елның 1 октябренә кадәр МФЦ аша яки РПФның электрон сервисларыннан һәм дәүләт хезмәтләренең бердәм порталыннан файдаланып тапшырырга мөмкин.

«5 мең сум акча алу өчен бер генә гариза бирергә кирәк. Аны кабатларга кирәкми", - дип билгеләп үтте Пенсия фондының Татарстан бүлеге идарәчесе Эдуард Вафин.

Әтнә районында ПФР клиент хезмәте (бүлек хокукларында).

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев