Юл иминлеге
Әтнә юлында исерекләр арта
11-18 сентябрь көннәрендә районыбыз юлларында исереклеккә шикләнеп, 3 транспорт йөртүче тоткарланган.
Моннан тыш, 1 машина иясе үзе йөртүче хокукыннан мәхрүм булган хәлдә, техникасын исереклеккә шикләнелүче кешегә биргән. Аңлашыладыр, юлларда саклыкны икеләтә арттырырга кирәк: юл хәрәкәте кагыйдәләрен бозып, төрле һәлакәт оештыручыларның шактый өлеше – исерек йөртүчеләр. Соңгыларына хәзер суд каршында җавап тотарга туры киләчәк.
Гомумән алсак, узган 7 көндә автоинспекторлар тарафыннан барысы 16 юл хәрәкәте кагыйдәләрен бозу очрагы теркәлгән. Аерым алсак, бу чорда куркынычсызлык каешы такмыйча йөргән 9 йөртүче тоткарланган.
Следите за самым важным и интересным в Telegram-каналеТатмедиа
Нет комментариев