Әтнәдә йөртүче исерек хәлдә булуга шикләнелә
Юл хәрәкәте иминлеге дәүләт инспекциясе җитәкчесе вазифасын вакытлыча башкаручы автоинспектор Ренат Мөхтәзиров узган атнада районыбызда теркәлгән юл кагыйдәләрен бозу очраклары белән таныштырды.
4-10 сентябрь аралыгында шундый 31 очрак ачыкланган. Аерым алсак, куркынычсызлык каешын такмыйча йөргән – 18 һәм балаларны махсус утыргычсыз йөрткән 4 транспорт йөртүче җаваплылыкка тартылган.
Юл хәрәкәте куркынычсызлыгы өлкәсендә аеруча зур куркыныч тудырган 3 очракны да язып узарга кирәк. Әйтик, бер йөртүче тиеш булмаган җирдә алда барган транспортны узарга дип каршы якка чыккан. Ә бер йөртүче юл-транспорт һәлакәтенә дучар булган. Бик кызганыч, кабат 1 йөртүче руль артында исерек хәлдә булуга шикләнелеп туктатылган.
Следите за самым важным и интересным в Telegram-каналеТатмедиа
Нет комментариев