Бер атнада – 43
20-26 июньнәрдә район юл хәрәкәтендә катнашучылар тарафыннан 43 административ хокук бозу ачыкланган.
Күпме генә кисәтелсә дә, куркынычсызлык каешын такмыйча йөрүчеләр кимеми, андыйлар 14 кеше булган. Ә 7 йөртүче транспорт белән, гомумән, документларсыз идарә иткән. 8 кеше штрафын вакытында түләмәгән. Тагын 3 транспортның номерлары пычрак – укырлык дәрәҗәдә булмаган, шулай ук юл хәрәкәте кагыйдәләрен санламаган 4 җәяүле тоткарланган. Моннан тыш, башка төр юл кагыйдәсен бозулар – 7 булган. Кызганычка каршы, саклану каешы куймаучылар һәм штрафны вакытында түләмәүчеләр саны артты.
Татарстандагы ЮХИДИ зыян күрүчеләр белән бәйле юл транспорт һәлакәте булса, бердәм ашыгыч хезмәтнең 112 телефон номерына мөрәҗәгать итү кирәклеген искә төшерә
Следите за самым важным и интересным в Telegram-каналеТатмедиа
Нет комментариев