"ГИБДД Атнинского района" дигән телеграмм канал бар

Бүгенге көндә юл һә­лакәтләре белән еш очрашабыз. Әледән-әле төрле сәбәпләр нәтиҗәсендә юлларда кеше гомерләре өзелә. Кемнәрдер юл йөрү кагыйдәләрен боза, кайбер шоферлар руль артына исерткеч эчемлекләр кулланган килеш утыра.
Районда булдырылган яңа телеграмм-каналның максаты – исерек хәлдә машина йөртүне тыю.
Әгәр сез юлда исерек хәлдә машина йөртүчене күргәнсез яки аның белән бәйле юл-йөрү кагыйдәсен бозу очрагының шаһите буласыз икән, Телеграммдагы әлеге каналга фото һәм видеоларны җибәрегез. Бирегә килгән мәгълүматлар ЮХИДИ хезмәткәрләренә тапшырыла һәм тиешле чаралар күреләчәк.
Безнең белешмә
Телеграмм-каналның  исеме – "ГИБДД Атнинского района" дип атала. Адресы https://t.me/atn009