Юл иминлеге
Кагыйдәләр үтәлеше тикшерелде
Эчке эшләр бүлегенең ЮХИДИ бүлекчәсе инспекторы Рамил Гәрәев әйтүенчә, узган атнада – 13-19 апрель көннәрендә район юлларында барлыгы 32 йөртүче юл кагыйдәсе таләпләрен бозган.
Шулар арасында, җиде машина йөртүчегә – номерлары пычрак, ун йөртүченең иминият полисы юк, биш йөртүче – куркынычсызлык каешын такмый йөргән өчен административ протоколлар төзелгән.
Ике вак юл һәлакәте теркәлгән. Ике йөртүчегә юл һәлакәте вакытында махсус билгене куймаган өчен дә штраф салынган.
“Юлларда игътибарлы булыйк, – ди инспектор. – Бик кирәк булмаганда, юлга чыкмавыгызны сорыйм. Чыккан очракта белешмәләр булсын”.
Следите за самым важным и интересным в Telegram-каналеТатмедиа
Нет комментариев