Нурия быел да сынатмады
Мәктәпкәчә яшьтәге мәгариф учреждениеләре тәрбиячеләре арасында узучы республика “Яшел ут-2020” бәйгесенең район этабына йомгак ясалды.
Әлеге бәйге Әтнә-Биектау районнары яшь юидчылар белән эшләү бүлеге, район мәгариф бүлеге һәм Эчке эшләр бүлегенең ЮХИДИ бүлекчәсе белән берлектә оештырылды. Анда район балалар бакчаларыннан 14 тәрбияче катнашты.
Бәйге нәтиҗәләре буенча җиңүче исеменә Олы Әтнә балалар бакчасы тәрбиячесе Нурия Гайфуллина лаек булды. Бәйгенең призерлары – шулай ук Олы Әтнә балалар бакчасыннан Айгөл Габдрахманова һәм Гөлназ Хадиева.
Яңа Шашы балалар бакчасы исә “Мәктәпкәчә яшьтәге балалар арасында юл хәрәкәте кагыйдәләрен өйрәтү буенча иң яхшы балалар бакчасы” номинациясендә җиңүче булып танылды.
Җиңүчеләргә дипломнар һәм истәлек бүләкләре тапшырылды.
Следите за самым важным и интересным в Telegram-каналеТатмедиа
Нет комментариев