Инфляция бишенче атна рәттән 0,1 процент тәшкил итә

28.12.2017 13:05 | Җәмгыять Печать

Инфляция бишенче атна рәттән 0,1 процент тәшкил итә

Ел башыннан кулланучылар бәясе 2,5 процентка арткан.

(Казан, 27 декабрь, «Татар-информ»). 19-25 декабрьдә Россиядә инфляция бишенче атна рәттән 0,1 процент тәшкил итә, ел башыннан кулланучылар бәясе 2,5 процентка арткан, дип хәбәр итте Росстат. Бу хакта РИА "Новости” яза.

Узган атна да йомырка 1,1 процентка, дуңгыз, сыер ите, тары ярмасы һәм маргарин 0,2-0,4% арткан, шул ук вакытта карабодай ярмасы 0,9 процентка, шикәр комы 0,5 процентка, тавык ите, он һәм үсемлек мае 0,1-0,3%ка кимегән.

Яшелчә бәяләре уртача 2,3 процентка арткан, шул исәптә помидорлар һәм кыярлар - 7,7%.

Бензин бәяләре 0,3 процентка, дизель ягулыгы 0,6 процентка арткан.

Икътисади үсеш министрлыгы 2017 ел нәтиҗәләре буенча Россиядә инфляция 2,5-2,6 процент булыр дип көтә, декабрьдә бәяләр 0,4-0,5% ка артачак.

Чыганак: http://tatar-inform.tatar/news/2017/12/27/155122/


Будь в курсе последних событий! Читай tatmedia.ru


Добавить комментарий