Акча бирү дөресме икән?- Әтнәләргә Җәлил хәзрәт Фазлыев җавабы

10.01.2018 20:49 | Җәмгыять Печать

Акча бирү дөресме икән?- Әтнәләргә  Җәлил хәзрәт Фазлыев җавабы

 

– Без Кече Әтнәдә туып үсеп,  хәзерге вакытта Олы һәм Яңа Әтнәдә яшибез, мәетлә­ребезне туган авылыбыз зиратына җир­либез. Ата-бабадан калган зират дип, һәр елны аны чис­тартуда катнашабыз. Коймасын яңартканда акча бирдек. Шуңа карамастан Кече Әтнә мулласы һәрбер мәет өчен өч мең сум акча ала. Мондый хәл дөресме? Зират җирен сату булып чыкмыймы бу?

– Зират җирен сату дип аңламаска кирәк моны. Чынлап та, кайбер авыл Cоветлары чит­тән кеше алып кайтып күмсә­ләр, шул кадәр акча бирелергә тиеш, дигән карар чыгара. Андый карарны кайчагында мәхәллә дә кабул итә. Карар чыккан икән, үтәлергә тиеш. Барыбер икенче авылдан китереп күмгән булып чыгалар бит инде. Койма яңартканда акча биргәннәр икән, ул бер савап алган дип әйтергә кирәк. Карап, җыештырып тору бер дә ансат түгел.

Казаннан яки башка бер шәһәрдән алып кайталар, авыл халкы каберен казый, озата. Тегендә кыйммәтсенәләр яки күмәселәре килми. Әле тагын акча сорыйлар дип, тавыш чыгаралар. Сәдака бирмәсәгез күм­дер­мибез дип, әле бер генә мәетне дә җир өстендә калдырганнары юк. Бер имам да мәет өчен акча сорамый. Кемдер шушы рәвешле акча җыеп баеп була дип уйлый икән, авылга кайтсын да мулла булып эшләп карасын. Бик күп авылларга мулла җитми. Зират өчен җаваплы өлкән кеше бар, акчаны ул сорап ала да, җыештыру, чистарту их­тыяҗ­лары өчен тота. Мәхәллә­ләре­безнең яртысында мулла юк, һаман шул имамнарны “төрлән­дерәләр”. Йә никах укыган, йә мәет җирләгән өчен акча ала, дип әйтү­ләре, шул җөмләдән. Менә без мә­чет­не җылыткан, яктырткан өчен, салымын да түлибез. Имам кайдан акча алырга тиеш? Мәчеттә салкын дип, шәхси йортларда җомга укытучы авыллар да бар. Кечкенә авылларда сәдака бик аз керә бит.

 

Чыганак:

http://vatantat.ru/index.php?pg=40


Будь в курсе последних событий! Читай tatmedia.ru


Добавить комментарий