Татарстанның 17 районында агросәнәгать парклары төзеләчәк

13.02.2018 16:20 | Җәмгыять Печать

Татарстанның 17 районында агросәнәгать парклары төзеләчәк

  Мини агропаркларны финанслау өчен бюджеттан 90 млн сум акча бүлеп бирелә.

(Казан, 13 февраль, “Татар-информ”, Чулпан Шакирова). Авыл хуҗалыгы продукциясен сатуны оештыру максатыннан, Татарстанның 17 районында агросәнәгать парклары ачылачак. Бу хакта бүген Министрлар Кабинетында узган брифингта авыл хуҗалыгы министры Марат Әхмәтов хәбәр итте.

“Фермерлар һәм шәхси хуҗалыклар эшчәнлеген җайга салу өчен, район үзәкләрендә агросәнәгать парклары ачарга җыенабыз. Беренчесе – Зәйдә булачак, аның планы инде әзер”,– диде Марат Әхмәтов.

Мини агропаркларны финанслау өчен бюджеттан 90 млн сум акча бүленәчәк. Сәүдә паркы өчен җир бүлү, коммуникацияләр уздыру эшләрен муниципаль районнар башкарырга тиеш булачак.

Районнарда төзелгән агросәнәгать парклары авыл хуҗалыгы кулланучы кооперативлары идарәсенә тапшырыла.

 

http://tatar-inform.tatar/news/2018/02/13/157934/


Будь в курсе последних событий! Читай tatmedia.ru


Добавить комментарий