Мошенниклар тик ятмый

Соңгы елларда Татарстан тер­риториясендә телефон белән бәйле дистанцион җинаятьләр саны артты.
Соңгы 9 айда гына мондый төр җинаятьләрдән республикага килгән гомуми зыян 3 млрд. сум, бер көнгә уртача 12-13 млн. сум тирәсе булды.
Бу җинаять турында район халкының – яшьләрнең дә, өлкәннәрнең дә белеп торуы кирәк. Мондый шал­тыратуларның өчтән бере диярлек банкларның куркынычсызлык хез­мәтеннән, хокук саклау органнарыннан, имештер, счетыгызга яки кредит чы­ганагыгызга кемнеңдер керергә тырышуы,  аларның дөреслеген тик­шерергә кирәклек турындагы хәбәрләр рәвешендә керә. Әлбәттә, алар буенча гражданнарга иң күп зыян салына.
Шулай ук мошенниклар еш кына “туганыгыз юл һәлакәтенә эләкте” формулировкасын кулланалар – монысы, өлкән яшьтәгеләргә каршы юнәлтелгән. Шул ук вакытта, берәү өчен дә сер түгелдер, мошенникларның колл-үзәкләре Россиядән читтә һәм зур күпчелеге Украина территориясендә.
Шул ук вакытта, шул юллар белән үзләштерелгән акчаларны рәсмиләштерү Россия Федерациясе гражданнары – еш кына, балигъ булмаган, мәктәптә яки һөнәри көллиятләрдә укучы “дроп”лар аркылы башкарыла. Аларны мошенниклык колл-үзәкләре төзегән җинаятьчеләр, мессенджер һәм социаль челтәрләр аркылы, үз җинаятьләрендә кулланалар.
Биредә аеруча ассызыкларга кирәк – җинаятьчеләргә ярдәм ит­кән зат та җинаять ясаучы санала һәм шундый ук җинаять җа­вап­лылыгына тартыла.
Татарстан Республикасы Эчке эшләр министрлыгы курьер буларак, шулай ук мессенджер яки социаль челтәрләр аша акчаны рәсмиләштерү тәкъдиме ясалган җиңел итеп акча эшләү тәкъдименнән баш тартырга кирәклеген кисәтә.