Дүрт мәйданчык әзерләнә
Сүзем балалар мәйданчыгы турында. Быел районыбызда үзара салым акчасы хисабына күп җирлектә балалар мәйданчыклары ачылды.
Менә тагын 4 балалар мәйданчыгы ачылырга әзерләнә. Болары Күңгәр авыл җирлегендә булачак.
Әлеге мәйданчыклар Түбән Шашы авылында - кибет кырыенда, Күңгәр авылында- иске кибет янында, Күшәр авылында хәтта икәү ачыла, алары - Тукай урамы белән мәчет урамында урнаштырылачак.
- Балалар мәйданчыклары халык ярдәме белән җыелган, дәүләтебез булышкан үзара салым акчасына ачыла. Бүгенге көндә аларның әйләнәсенә койма тотыла. Эше бетүгә ачабыз, - ди Күңгәр авыл җирлеге башлыгы Гөлназ Гарипова.
Игелеген күрергә насыйп булсын.
Фотодагы менә бу балалар тиздән мәйданчыклы булачак. Фото Күңгәр мәдәният йорты альбомыннан алынды.
Следите за самым важным и интересным в Telegram-каналеТатмедиа
Нет комментариев