Гөлиябез - II урында

Бәйгегә Россиядән, Казахстаннан, Үзбәкстаннан һәм Швейцариядән 3 меңнән артык гариза килгән. Шулар арасыннан 37 җиңүче сайлап алынган. Чараны төп оештыручылар - ТР Рәисе каршындагы Татарстанда яшәүче халык вәкилләренең туган телләрен һәм татар телен саклау, үстерү мәсьәләләре үстерү буенча комиссиясе ярдәмендә "Татарстан - Яңа гасыр” телерадиокомпаниясе.

«Сәйдәш» мәдәният үзәгендә «Татар сүзе» IV Халыкара нәфис сүз телевизион бәйгесенең гала-концертында иң яхшы нәфис сүз осталары исемнәре яңгырады. Алар арасында Күәм урта мәктәбендә укучы Гөлия Кәлимуллина да бар. Ул Фәнис Яруллинның "Үзенә йотып иң зур хәбәрен" шигырен сөйләп II урын алды.  Остазлары Габдулла Тукай исемендәге Әтнә татар дәүләт  драма театры артистлары - Алинә һәм Дамир Сидеевлар. Аларга "Рәхмәт хаты" тапшырылды.

Афәрин, Гөлия! Киләчәктә тагын да зур сәхнәләрдә күрергә язсын!