Өлкәннәрне хөрмәт итү – изге эш

Өлкәннәребез сый-хөрмәт тулы табын артында кунак булдылар. Аннан соң, сәхнәдә чыгыш ясаган җитәкчеләрнең котлауларын кабул иттеләр һәм бик матур концерт карадылар.

Артистларның һәрбер чыгышы күңелләргә үтеп кереп, яшьлек хатирәләрен яңартты, көч-дәрт өстәде. Зал аларны алкышларга күмде.

Өлкәннәр көнендә күрсәтелгән хөрмәт һәм игътибар һәркемнең күңелендә җылы хисләр уятты. Бу көн – буыннар арасындагы бәйләнешне ныгыту, өлкәннәребезгә рәхмәт белдерү өчен бик яхшы мөмкинлек. Аларның тормыш тәҗрибәсе, зирәклеге, сабырлыгы – безнең өчен зур байлык.

Өлкәннәребез күңелләрендә онытылмас мизгелләр саклап, канәгать елмаю белән таралыштылар. Әтнә халкы өлкәннәрне онытмый, һәрвакыт хәтердә тота.

Бүгенге көн тагын бер кат искәртте: өлкәннәрне хөрмәт итү – изге эш. Алар безнең киңәшчеләребез, терәгебез, рухи кыйммәтләребезне саклаучылар. Шуңа күрә аларга һәрвакыт игътибарлы булырга, ярдәм итәргә, кайгыртуыбызны күрсәтергә тиешбез.

Бүгенге бәйрәм чарасын тиешле югарылыкта уздыруларын билгеләп узарга кирәк.