Әтнәдә район башлыгы ифтар уздырды

Биредә авыллардан хәзрәтләр һәм ураза тоткан дин-кардәшләр, шулай ук күмәк хуҗалык һәм авыл җирлеге җитәкчеләре, кайбер оешма җитәкчеләре дә бар иде.

Олы Әтнә мәчетендә ахшам намазы укып, авыз ачканнан соң, мөселман кардәшләр автобуста яки үз автомобильләре Кала Тауга юл тоттылар. Биредә сый-нигъмәттән сыгылып торган өстәлләр каршы алды. Имам-мөхтәсиб соңыннан дога кылып район башлыгына да, өстәлләр җәюгә ярдәм иткән күмәк хуҗалык җитәкчеләренә дә зур рәхмәт белдерде.