Гади иде
Рәйсә Сафиуллина, Олы Бәрәзә-Казан
Гади иде, рәхәт иде,
Без шат идек балачакта.
«Унике таяк», «Чүрәкәй»,
«Качыш» уйнаган чакта.
Әле куян оясында,
Әле утын арасында,
Я булмаса, шыпырт кына,
Өйгән печән арасында
Утырасың, берәр сәгать
Эзләп тапканнарын көтеп.
Булгалады кайвакытта
Көтә-көтә арып бетеп,
Төшләр күреп, йоклап китеп –
Уяталар иде төртеп.
Я сыер, көтүдән кайткан,
Я сарык сөзгәли арттан,
Көтү кайткан, кояш баткан,
Иптәшләрең таралышкан.
Иртәгесен сынатмаска!
«Менә!» дигән җае чыккан,
Юк бит сине эзләп тапкан,
Син җиңүче, оста качкан!
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Комментарии
0
0
Кабатланмас талантлы шэхес,бик тапкыр шигьри бормалар мастеры,куптэн уз стилен булдарган шагыйрэ.Э Олы Бэрэзэдэ алар 10 нан артык.Ин кочлесе Рэйсэбез.Горурланам.Илгиз абыен Кадыйров.
0
0