Иң шәп гәҗит

«Әтнә таңы» гәҗитен
Язылып алам ел саен,
Район яңалыкларын, 
Белеп торам һәрдаим.
Бик күп анда яңалыклар, 
Котлаулар, белдерүләр,
Гыйбрәтле хикәяләр, 
Төрле-төрле киңәшләр.
Исеме дә бик матур, 
Туры килә җисеменә,
 «Әтнә таңы»на языл да,
 Укып кара әле менә.
Гәҗит-журналлар укыйм, 
«Әтнә таңы»н үз итәм. 
Бик бай эчтәлекле гәҗит, 
Һәр йортка тәкъдим итәм.
Якынымны көткән кебек, 
һәр санын көтеп алам.
Яраткан гәҗитемнән – 
Үлгәнче аерылмам.
Гәҗитне чыгару өчен, 
Күп көч куеп эшлисез.
Телебезне саклау өчен, 
Бик зур  өлеш кертәсез.
 Редакция хезмәткәрләренә теләгем:
Җаваплы эшегездә,
Тыныч эшләргә язсын.
Укучылар күп булсын. 
Тиражларыгыз артсын.

Клара Сәхибуллина, Олы Бәрәзә авылы