Иҗат
Сабантуйлар мөбарәк булсын!
Фәрхәт Сәгъдиев, Түбән Шашы авылы
Сабантуйлар җитә, сабантуйлар...
Сабантуйга бирнә җыйнала.
Аеруча аны көтеп алган
Бала-чага ихлас куана.
Авылымның киләчәге алар,
Урам тутырганнар, күр әле.
Капка төбе саен туктаталар:
«Бу йорттагы байлар өйдәме?»
Арттан килә махсус бизәлгән ат,
Милли киемнәрдә — кыз, егет.
Гармуннарга кушылып җыр сузалар,
Авыл балкый нурга күмелеп.
Матур йолаларга бай тарихлы,
Милләтемнең бу — бер бизәге.
Һәр халык та яши күркәм булып,
Гореф-гадәт булса — үзәге.
Следите за самым важным и интересным в Telegram-каналеТатмедиа
Комментарии
1
0
Фэрхэт, молодец!
0
0