2024 елда пенсия яше яңадан артачак

Россия Социаль фонды җәмгыятьтә зур дулкынлану тудырды, 2024 елдан пенсия яшен арттыру турында игълан итте. Күрсәтелгән үзгәрешләр буенча, хатын-кызларның пенсиягә чыгу яше 58 яшь тәшкил итәчәк, ә ир-атлар өчен бу 63 яшь булачак. Иминият пенсиясен алу өчен яңа таләпләр билгеләнгән, алар буенча стаж 15 елдан да ким булмаска тиеш, ә пенсия коэффициенты 28,2. Бу киләчәктә лаеклы иминият пенсиясе алу өчен хезмәт стажы һәм пенсия коэффициенты күрсәткечләре югарырак булырга тиеш дигәнне аңлата.
Шулай ук хезмәт стажы зур булган гражданнар өчен вакытыннан алда пенсиягә чыгу мөмкинлеге барлыкка килде. Ким дигәндә 37 ел эшләгән хатын-кызлар һәм ким дигәндә 42 ел эшләгән ир-атлар пенсиягә гомуми пенсия яшеннән ике ел алдарак чыга ала. 
Шул ук вакытта гражданнарның билгеле бер категорияләре пенсиягә иртәрәк чыга алачак. Мәсәлән, озак эш стажын туплаучылар өчен — ир-атлар өчен 42 яшь(стаж) һәм хатын-кызлар өчен 37 яшь(стаж), СССРдагы кебек, 55 / 60 яшендә пенсиягә чыгарга мөмкин булачак.

Үз чиратында, Ерак Төньяк һәм тиңләштерелгән җирлекләрдә яшәүчеләр пенсиягә башка төбәкләрдә яшәүчеләргә караганда биш елга иртәрәк чыга ала. Хәзер пенсиягә чыгу яшен биш елга арттыру билгеләнгән: хатын – кызлар өчен 50 яшьтән 55 яшькә кадәр, ә ир – атлар өчен 55 яшьтән 60 яшькә кадәр.

ШәхриКАЗАН