Әтиләр көне белән!

Әтиләр көне бөтен ил буенча октябрьнең өченче якшәмбесендә билгеләп үтелә. Әлеге указны РФ Президенты Владимир Путин имзалады.

Документта бу көн «гаилә институтын ныгыту һәм балаларны тәрбияләүдә әтинең әһәмиятен арттыру максатларында» билгеләнгән, диелә.

Без моңарчы менә шулай рәсми рәвештә ноябрьнең соңгы якшәмбесендә Әниләр көнен генә бәйрәм итә идек бит. Ә әтиләргә рәхмәтләребезне ирештерә торган махсус көн юк иде. 

Әтиләр көненә иң зур бүләк, әлбәттә, җылы сүз! Башка вакытта әйтелмәгән, әйтергә тартынган сүзләрне җиткерү!