Әтнә балалар сәнгать мәктәбенең «Нур» үрнәк вокаль ансамбле «Белые крылья» фестивалендә катнашып Гран-при исеменә лаек булдылар

Әтнә балалар сәнгать мәктәбенең "Нур" үрнәк вокаль ансамбле, "Белые крылья" дип исемләнгән балалар, яшүсмерләр һәм өлкәннәр иҗатының күп жанрлы халыкара конкурс-фестивалендә катнашып Гран-при исеменә лаек булдылар.
Әтнә районы мәдәният тарихында тагын бер якты бит ачылды. "Нур" вокаль ансамбленең җиңүе – район өчен зур горурлык, чөнки бу иҗади коллективның тырышлыгы, сәләте һәм хезмәте халыкара дәрәҗәдә танылу алды. Әлеге җиңү – Альбина Фирдинат кызы Зайнуллинаның җитәкчелегендәге коллективның күпьеллык хезмәтенең нәтиҗәсе.

"Белые крылья" фестивале – төрле илләрдән килгән талантлы башкаручыларны бер мәйданга җыйган абруйлы чара. "Нур" ансамбле катнашучылар арасында иң югары бәяне алып, үзенең осталыгын, сәхнәдә үзен тотышын һәм репертуарының үзенчәлеген күрсәтә алды.

Әлеге җиңү балаларның иҗади үсешенә, аларның рухын күтәрүгә зур этәргеч бирәчәк. Ул аларга киләчәктә дә яңа үрләр яуларга, иҗади эзләнүләрдә дәвам итәргә көч бирә. Мондый җиңүләр районның мәдәни тормышын баета, яшь буынны сәнгатькә тартуда мөһим роль уйный.