Аяк киемен кайсы аяктан кия башларга, кайсысын беренче салырга?
«Аяк киеме кигәндә уң аяк беренче булсын, салганда - соңгысы булсын», - дигән Мөхәммәд Пәйгамбәр.
Казанның «Гаилә» мәчете имам-хатыйбы Рөстәм хәзрәт Хәйруллин Пәйгамбәребез Мөхәммәд сәлаллаһу галәйһи вәсәллам сөннәте турында сөйли.
Пәйгамбәребез киенгән чакта башта уң җиңен, аннары сул җиңен кигән, ул барлык эшне дә уңнан башлаган. Башта уң аяк киемен, аннары сул аякк киемен кигән. Әгәр Ул киемен сала башласа, сул яктан башлаган, дип аңлата хәзрәт.
«Пәйгамбәребез Мөхәммәд сәлаллаһу галәйһи вәсәллам әйткән: „Әгәр берәрегез аяк киемен кияргә җыенса, уң аягыннан башласын, әгәр сала башласа — сул аягыннан. [Аяк киеме] кигәндә уң аяк беренче булсын, салганда соңгысы булсын“. (Тирмизи)» — дип яза хәзрәт.
«Аллаһ матур, ул барлык матур әйберне яраткан. Шуңа күрә безнең киемнәребез дә матур булырга тиеш. Пычрак, бөгәрләнгән булмаска тиеш», — дип искәртә ул.
Следите за самым важным и интересным в Telegram-каналеТатмедиа
Нет комментариев