Хәбәрләр
Балалар Сабантуе үткәрделәр
Ташчишмә авылында шаулап - гөрләп балалар сабантуе булып узды.
Клуб мөдире Ильсия чараны үткәрү өчен бик нык тырышлык куйган. Самоварда чәй дә кайнаган, пылау да пешкән. Кибетләр эшләп тора. Балаларга батутта бушлай сикерү мөмкинлеге дә тудырылган.
Төрле яшьтәге балалар чүлмәк вату, капчык киеп йөгерү, кашыкка йомырка салып йөгерү уеннарында бик теләп катнаштылар. Уеннар бик күп төрле иде. Кыскасы, барысы да рәхәтләнеп төрле уеннарда катнашып күңел ачты.
Следите за самым важным и интересным в Telegram-каналеТатмедиа
Нет комментариев