Балаларның активлыгын арттыралар

Олы Әтнә балалар бакчасында тренажерлар ярдәмендә шөгыльләр кызыклы һәм файдалы уза. Хәзерге яңача тренажерлар уңайлы, җиңел урнаштырыла, эстетик һәм гигиеник таләпләргә туры килә. Бу аларны төрле физик әзерлектәге балалар белән эшләүдә кулланырга мөмкинлек бирә. Балаларның билгеле бер хәрәкәт күнекмәләренә ия булулары, тренажерларны үзләре кулланырга өйрәнүләре, саклану алымнарын үзләштерүләре мөһим. Тренажерлар физкультура дәресләрендә һәм балаларның физик әзерлек дәрәҗәсен, шәхси мөмкинлекләрен исәпкә алып, аларның мөстәкыйль хәрәкәт эшчәнлегендә дә кулланыла.