Безнең футболчылар - Сабада

Төньяк район командалары Сабада ярыштылар. Биредә барысы 15 команда чыгыш ясады. Ике көн дәвамында барган киеренке бәйгедә безнекеләр ярымфиналга чыгу бәхетенә ирештеләр. Әлбәттә, тренерлары Таһир Вәлиуллинның тырышлыгы - чын футбол фанаты, өзлексез шөгыльләнү аркылы ирешелде моңа. Шулай да турнирның җиңүчесе Биектау командасына оттырып, безенең команда финалга үтә алмады. Ә финалга Биектау һәм кукмараның "Интер" командалары үтте. Моңа карамастан тренер мондый югары нәтиҗә күрсәтә алуга да шат. "Егетләр нык тырыштылар", - ди ул.