Бәйрәм белән Сезне, Әниләр!

– Ул дөньяга мин ник киләм?
– Мин сиңа фәрештә җи­бәрәм, ул сиңа барысын да аңлатыр.
– Ә мин аны ничек аңлармын соң?
– Ул сине үз теленә өйрәтер.
– Фәрештәмнең исеме ничек була?
– Син аңа Әни диячәксең.
Әйе, һәр ел саен ноябрь аеның соңгы якшәмбесендә Әниләр көнен билгеләп үтәбез. Бу көнне күпләребез әниләребез янына ашыгырлар. Аларга рәхмәт сүзләрен әйтергә тырышырлар. Тормыш мәшәкатьләре белән һаман да эш-эш дип ашыгып, Әниләребезне һичьюгы шушы көнне булса да искә алырга онытмыйк.