Чембулат авылында бирнә җыйдылар

Сабантуйга бирнә җыю –  ул бәйрәм алдындагы бер гамәл генә түгел, ә авыл халкын берләштерә торган, уртак хезмәткә, бердәмлеккә чакыра торган мөһим бер йола. Бу йола ярдәмендә генә Сабан туе, чын мәгънәсендә, халык бәйрәме булып кала, ул авылның яшәвен, аның рухи байлыгын дәвам иттерә.

Әлеге йоланың шунысы күңелле –  авылны гөрләтеп, балалар  йорттан-йортка йөгереп хәбәр салалар. Сөенчегә әлбәттә тәмле конфетлар эләгә.   Йорт хуҗалары бирнә җыйганны җырлап-биеп каршы алалар. Бирнә җыю – һәркемгә бәйрәм рухы өләшү дә ул.