Ел саен 40 мең кешенең гомере алкоголь кулланудан өзелә

Хәзерге вакытта алкоголь куллану хезмәткә сәләтле халыкның үлү очракларының төп факторларыннан берсе булып тора. Экспертлар бәяләвенчә, алкоголь кулланучыларның 69 проценты бавыр циррозыннан, 61%ы – кардиомиопатия һәм миокардиттан һәм 47%ы панкреатиттан үлә.

РФ Сәламәтлек саклау министрлыгы алкоголь куллануны тышкы сәбәпләрдән үлемнең башка сәбәпләре арасында аерып күрсәтә. Статистик мәгълүматлар Россиядә алкоголь куллану һәм үлем арасында үзара бәйләнеш булуын күрсәтә, бигрәк тә хезмәткә сәләтле яшьтәге ир-атлар арасында. Алкоголь белән турыдан-туры бәйле үлүчеләр санының 70%тан артыгы хезмәткә сәләтле яшькә туры килә.

Алкоголь белән турыдан-туры бәйле үлүчеләр саны 40-65 яшьтә аеруча югары. Ел саен 40 мең кеше алкоголь белән агулану аркасында гына үлә. Әмма алкоголь белән агуланулар алкоголь куллану белән бәйле үлемнең бердәнбер һәм төп сәбәбе булып тормый.

Исерек хәлдә үлем белән тәмамланган җәрәхәтләр шактый күп һәм төрле: транспорт җәрәхәте, термик җәрәхәт, механик асфиксиянең төрле төрләре, наркотик матдәләр белән агулану. Башка сәбәпләрнең күбесе үтерү, үз-үзенә кул салу, сулыш органнары авыруларыннан, яман шешләрдән вакытыннан алда үлү очракларын үз эченә ала.

Россия суд-медицина экспертизаларының бастырылган нәтиҗәләре күрсәткәнчә, биологик сыеклыкларында этанол табылган үлүчеләр өлеше үлемнең кайбер сәбәпләре өчен, башлыча тышкы сәбәпләр өчен, шактый югары. Кайбер экспертлар фикеренчә, Россиядә гомуми үлемгә алкогольнең өлеше 11,9% тәшкил итә. Алкоголь куллану аркасында 67% суга бату очраклары, 67% янгыннар, 42% үз-үзенә кул салулар туры килә.

Кабул ителгән чаралар нәтиҗәсендә безнең илдә алкоголь куллану кими. Алкогольле бәйлелек синдромлы пациентлар саны, алкоголь психозларын да кертеп, шактый кимеде.

Алкогольнең куркынычсыз дозалары юк. Алкоголь куллану – ул һәрвакыт куркыныч. Кешегә теге яки бу төр алкоголь продукциясен кулланырга киңәш итәргә ярамый: куркынычсыз градус – ноль.

Валерия Феоктистова,

Яшел Үзән медицина профилактикасы үзәге табибы

Яшел Үзән