Эшсезлек буенча пособие күләме артачак

Бу турыда Россия Хезмәт министрлыгы җитәкчесе Антон Котяков белдерде. ТАСС шул хакта яза.

Аның сүзләренчә, әлеге күрсәткеч 7,3 процентка индексацияләнәчәк.

«Элек бу пособие ел саен индексациягә катгый бәйләнмичә билгеләнә иде, хәзер бу законда каралган», — диде Котяков Думаның Бюджет комитеты утырышында.

Эшсезлек күрсәткече түбән булу сәбәпле, пособие чыгымнары кимеде, дип өстәде ул.

Россиядә эшсезлекнең рекордлы түбән дәрәҗәсе теркәлә, ул – 2,4 процент дип хәбәр ителгән иде. Шулай ук кичә 2025 елга ана капиталы күләме билгеле булды.

Татар информ