Ир-атларга нигә акчаны күбрәк түлиләр?
Россиядә ир-атлар һәм хатын-кызларның хезмәт хаклары арасындагы аерма 2025 елда якынча 40 мең сумга җиткән, дип хәбәр итә РИА Новости.
Узган елның октябрендә ир-атларның уртача хезмәт хакы ил буенча 117,7 мең сум тәшкил иткән, ә хатын-кызларныкы – 79 мең сум. Ике ел элек бу күрсәткечләр 87,8 мең сумга 61,1 мең сум нисбәтендә булган.
Шулай итеп, хезмәт хаклары арасындагы аерма 2023 елдагы 26,7 мең сумнан 38,7 мең сумга кадәр арткан.
Ир-атлар атнага уртача 42 сәгать эшли, ә хатын-кызлар – 40 сәгать. Шул ук вакытта, ир-атларның эш сәгате уртача 637 сум булса, хатын-кызларныкы 448 сум тәшкил итә.
Билгеле булганча, Татарстанда «Кадрлар» илкүләм проекты гамәлгә ашырыла.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев