Югары Сәрдә авылында Сабантуй бәйрәме күңелле узды

"Бәйрәм итүче һәр кеше үзе теләгәнчә күңел ачты: кемдер кызыклы уеннар карау өчен уңайлы урыннар алырга ашыкты, кемдер товарлар куелган сәүдә рәтләрен йөреп чыкты, кемнедер хуш исле шашлык үзенә җәлеп итте.

Ә балалар белән килүчеләрне аттракционнар, батутлар, таганнар, карусельләр көтте, җигүле атларда, пониларда да йөрү мөмкинлеге булды. Күп кенә уенчылар үзләренең җитезлекләрен күрсәтергә теләделәр. Кыскасы, чын бәйрәм булды.  Бәйрәмне карарга килгән, уеннарда актив катнашкан һәркемгә әфәрин диясе кала", - дип хәбәр итте Югары Сәрдә клубы мөдире.