Казан Кремленең Вәкиллек корпусында коррупциягә каршы конкурсы җиңүчеләрен бүләкләү тантанасы узды
Җиңүчеләр арасында, туган телдәге иҗади эшләре (инша – эссе) номинациясендә Бәрәскә урта мәктәбенең 11 нче сыйныф укучысы Сәгъдиев Ильяс Наил улы 2 нче дәрәҗә диплом белән бүләкләнде, җитәкчесе Хиндия Әхмәтҗанова Мөхәммәтҗан кызы. Олы Әтнә урта мәктәбе укучысы Холмуродов Ильвир иҗади эш - плакат номинациясендә гран-при иясе булды, җитәкчесе Исхакова Гөлнара Рифкать кызы.
Бүләкләү тантанасы Казан Кремленең тарихи диварлары эчендә узды, бу чарага аеруча тантаналы төс бирде. Коррупциягә каршы көрәш темасына багышланган әлеге конкурс яшь буынның җәмгыятьтәге әхлакый кыйммәтләрне аңлавын һәм гражданлык позициясен күрсәтүдә мөһим роль уйнады.
Әлеге конкурс яшьләрдә ватанпәрвәрлек хисләрен үстерүгә, җәмгыятьтәге әхлакый кыйммәтләрне ныгытуга һәм коррупциягә карата түземсезлекне формалаштыруга юнәлтелгән. Конкурста катнашучылар үзләренең эшләрендә коррупциянең җәмгыятькә китергән зыянын ачып күрсәттеләр, шулай ук бу күренешкә каршы көрәшү юлларын тәкъдим иттеләр.
Бүләкләү тантанасы ахырында җиңүчеләр һәм аларның җитәкчеләре рәхмәт сүзләре белән чыгыш ясадылар. Алар әлеге конкурста катнашуның мөһимлеген ассызыкладылар һәм алга таба да коррупциягә каршы көрәштә үз өлешләрен кертергә әзер булуларын белдерделәр.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев