Казанда беренче газ белән кар эретү пунктын ачарга телиләр
Казанда беренче газ кар эретү пунктын ачарга ниятлиләр. Аны «Салават Күпере» микрорайонында төзергә планлаштыралар, дип сөйләде «эшлекле дүшәмбе» дә шәһәрнең Тышкы төзекләндерү комитеты башлыгы Альберт Шәйнуров.
Урынны территория актив үсештә, ә карны утильләштерү өчен урыннар җитмәү сәбәпле сайлаганнар. Шәйнуров ассызыклаганча, бер газ пунктының җитештерүчәнлеге өч канализация пункты белән чагыштырырлык. Кирәкле исәп-хисапларны республика Хөкүмәтенә җибәрделәр.
Моннан тыш, Казан ТЭЦларында кар эретү пунктлары барлыкка килергә мөмкин. Казан Мәскәүнең шундый ук тәҗрибәсе белән танышты инде.
Бүген шәһәрдә сигез кар эретү пункты эшли, аларның гомуми җитештерүчәнлеге тәүлеккә 8 мең тонна тәшкил итә. Шәһәргә бу куәтләр җитми, ди Шәйнуров.
Исегезгә төшерәбез, кар яву алдыннан Казанда 28 машина йөртүче һәм 71 механизатор җитми. Синоптиклар фаразлавынча, якын көннәрдә шәһәргә күптән көтелгән кыш киләчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев