Кимедә - «Сугыш хатлары»

Бүген Сибгат Хәким музеенда “Сугыш хатлары” дип исемләнгән музей дәресе үтте. Бу хакта "Туган якны өйрәнү музее" хәбәр итә. Укучыларга өчпочмаклы хатлардан күргәзмә куелды. Мондый истәлекләр белән нык кызыксына икән яшь буын. Бер уңайдан почта тарихы турында да сөйләделәр. Ә моннан соң, укучылар үзләре дә хат язып карадылар. Хәзер "Хат язу" дигән төшенчә, гомумән, юк, дияргә була. Шуңа да яшь буынны тарихи үткәнебез, ул чорда булган һәр яңалык белән таныштыру - бик мөһим әйбер.