Күп балалы гаиләләр өчен тагын бер ял көне барлыкка килергә мөмкин

Дәүләт Думасының гаиләне яклау комитеты башлыгы Нина Останина Россиядә 8 июльдә билгеләп үтелә торган Гаилә, мәхәббәт һәм тугрылык көнен күпбалалы ата-аналар өчен ял көне итәргә тәкъдим итә. Тиешле мөрәҗәгать РФ хезмәт һәм социаль яклау министры Антон Котяков исеменә юлланган, дип тапшыра РИА Новости.

"Россия гаиләләреннән бу бәйрәмне күп балалы ата-аналар өчен ял көне итү турындагы  мөрәҗәгатьләр килә. Бу Гаилә елында дәүләтнең күп балалы гаиләләр турында кайгыртуын күрсәтә", - диелә мөрәҗәгатьтә.

Шәһри Казан