Кышлау мәдәният йортына лаеклы ялга чыккан колхозчылар белән күңелле очрашу узды

3 ноябрь көнне Кышлау мәдәният йортына лаеклы ялга чыккан терлекчеләребезне, механизаторларыбызны, колхозчыларыбызны чакырып очрашу үткәрдек.

Кичә күмәк хуҗалык җитәкчесе Алмаз Сибгатуллин котлавы белән башланып китте. Шулай ук район ветераннар советы җитәкчесе  Хәмит Галимҗанов   һәм Кышлау авыл җирлеге башлыгы Айрат Кашшапов да үз теләкләрен җиткерде.

Кичә мәдәният йорты хезмәткәрләре тарафыннан әзерләнгән бәйрәм концерты белән дәвам итте.

«Кичәнең икенче өлеше түгәрәк өстәл артында үткән хатирәләрне яңартып, истәлекләрне барлап, яшьлектәге җырларны җырлап бик күңелле үтте», – дип хәбәр итте Зөлфия Мансуровна.