Махсус хәрби операциядә катнашучылар һәм гаилә әгъзалары кабат түләүләр турында исегезгә төшерәбез

СВОда катнашучы хәрбиләргә түләү күләме алган җәрәхәт дәрәҗәсенә карап 100 меңнән 3 миллион сумга кадәр, ә һәлак булган очракта — 5 миллион  тәшкил итә. Дифференциация 2024 елның 12 ноябреннән соң алынган имгәнүләр буенча түләүләр өчен гамәлдә. Бу хакта «Парламентская газета» хәбәр итә. 

Әгәр яралану яки җәрәхәт инвалидлыкка китергән булса, бер тапкыр түләү 4 миллион сум тәшкил итәчәк. Моннан тыш, яралану сәбәпле инвалидлык билгеләгәндә хәрбиләр тагын бер тапкыр компенсация алачак: I төркемдә — 2 454 493 сум, II төркемдә — 1 636 328 сум, III төркемдә — 818 164 сум. Ә хәрби хезмәткә яраксыз дип танылу сәбәпле эштән киткәндә тагын 3 272 657 сум түләячәкләр.

Моннан тыш, хәрби җәрәхәт алган кешеләргә айлык акчалата компенсация каралган. 2024 елда I төркем инвалидларга — 22 908 сум, II төркем инвалидларга — 11 454 сум, III төркем инвалидларга 4581,72 сум түләгәннәр. Быел түләүләр 4,5 процентка индексацияләнәчәк. Хәрби үлгән очракта айлык компенсацияне аның гаилә әгъзалары алачак. Аларга шулай ук җирләү һәм сайланган яшәү урынына бару чыгымнарын, шулай ук тимер юл яки башка транспорт белән, һава транспортыннан тыш, 20 тоннага кадәр багаж ташу чыгымнарын түләячәкләр.

Шәһри Казан