Әни

Әни димәгән чак бармы ,
Бармы икән кайчан да бер.
Хәтта бармак авыртса да,
Ән-ни диеп әйтәбез гел.
Әни булса өйдә рәхәт,
Ашы пешкән, чәй куелган.
Якты йөзе табынны да,
Балкытып гел көйләп торган.
Ни булса да әни кирәк,
Ипле юлга күндерергә.
Әнкәйләрнең тәҗрибәсе зур,
Ялгышларны киметергә.
Юлга чыксаң, юлың уңа,
Әнкәй сүзе йөртә хакта.
Кадерләрен белеп яшик,
Әнкәйләрне балачактан.