Путин: Россия Украинадагы низагка нокта куярга тели, әмма үз шартларында
Россия мәңге сугышырга җыенмый һәм Украинадагы низагка нокта куярга тели, әмма үз шартларында. РФ Президенты Владимир Путин Вишневский исемендәге хәрби госпитальгә (Кремль матбугат хезмәтенең Telegram-каналында аның трансляциясе оештырылды) килгәч, шулай дип белдерде.
«Без дә низагка нокта куярга телибез. Өстәвенә, мөмкин кадәр тизрәк. Бары тик безнең шартларда. Безнең мәңге сугыш алып бару теләге юк. Әмма үз позицияләребезне дә бирергә җыенмыйбыз», - диде Россия дәүләте башлыгы.
Ул билгеләп үткәнчә, Украина беркайчан да Россиянең дошманы булмады һәм хәзер дә алай түгел, ә хәзерге җитәкчелеге – дошман. Шул ук вакытта Путин фикеренчә, әле күптән түгел генә Россияне стратегик яктан җиңәргә җыенган Көнбатыш хәзер низагны тыныч юл белән хәл итү җаен эзли.
Чыганак: Татар-информ
Татар-информ фотосында Владимир Путинның Ново-Огарёвода махсус хәрби операциядә катнашучылар белән очрашкан мизгеле
Следите за самым важным и интересным в Telegram-каналеТатмедиа
Нет комментариев