Сайлауга махсус кайткан

Низаметдинова Эльза Эльбрус кызы Дусымда урнашкан 1002нче сайлау участогына Казаннан махсус кайткан.
— Гражданлык бурычымны үтәргә дип, сайлар өчен иртә таңнан торып юлга кузгалдым, — ди ул.
Теркәлүе Дусымда аның. Иң кызыгы — ул әле беренче тапкыр гына сайлый. Ике ел элек кояшлы Үзбәкстаннан Татарстанга күчеп кайткан һәм яңы гына гражданлык алган.
— Минем өчен зур бәйрәм бу көн, — ди елмаеп. 

Хәер, бәйрәм арты бәйрәм икән әле аның. 8 март — Халыкара хатын-кызлар көне арты, 12 мартта туган көнен билгеләгән.