Шахмат уйнарга кечкенәдән өйрәнергә кирәк

Шахмат уенының роле баланың эчке дөньясын формалаштыруда бәяләп бетергесез. Шахмат уйнау хәтерне үстерә, логик фикерләүне үстерүгә ярдәм итә, тырышлык, игътибарлылык, уйланучанлык, максатчанлык тәрбияли. Бу уенны өйрәнүче бала җыйнак була, үзе уйларга, карарлар кабул итәргә күнегә, ахырга кадәр көрәшергә тырыша һәм уңышсызлыкларда төшенкелеккә бирелми. Олы Әтнә балалар бакчасының мәктәпкә әзерлек 2 төркемендәге күп кенә балаларда шахмат уенына ныклы кызыксыну барлыкка килде. Күпчелек балалар буш вакытларында әлеге уенны алып, үзләренә иптәш табып уйныйлар.