Татарстанда коррупциягә каршы тору мәсьәләләре буенча кайнар линия ачылачак

Татарстанда коррупциягә каршы тору мәсьәләләре буенча кайнар линия ачылачак. Коррупция фактлары турында Роспотребнадзор хезмәткәрләренә хәбәр итәргә булачак. Бу хакта идарәнең матбугат хезмәте хәбәр итә.

238-53-08, 238-40-69 кайнар линия номерлары 19 һәм 20 майда иртәнге сәгать 10нан көндезге дүрткә кадәр эшләячәк.

Белгечләр «кайнар линия» ачу коррупцион һәм башка хокук бозуларны профилактикалау өлкәсендә ведомство эшчәнлеге турында мәгълүматларның ачыклыгын арттырырга ярдәм итәчәк, дип саный.

Чыганак: https://tatar-inform.tatar/news/society/17-05-2021/tatarstanda-korruptsiyag-karshy-toru-m-s-l-l-re-buencha-kaynar-liniya-achylachak-5823448