«Туган як җырчысы – Сибгат Хәким» дип исемләнгән хәтер кичәсе узды

Кичәгә Сибгат Хәкимнең туган авылы Күлле - Кимедә урнашкан музей җитәкчесе Гөлсинә апай Хәкимуллина чакырылды. Ул шагыйрьнең тормыш юлы, иҗаты, иҗатташ дуслары турында сөйләде. Шулай ук Сибгат Хәкимгә багышланган видеофильм күрсәтелде. Хәтер кичәсендә шагыйрьнең шигырьләре һәм җырларыннан торган аудиоязмалар тыңланды. Балалар шагыйрьнең китапларыннан, фотоларыннан ясалган китап күргәзмәсе белән таныштылар. Үткәрелгән кичә укучылар өчен файдалы һәм кызыклы булды.